好開心啊~~~!! 今日我個囡Ingrid 嫁人lor!!! 我做o左人"外父"添.... 諗唔到送咩俾個囡做"嫁妝", 所以買o左張賀卡......... 再加兩張五舊水俾佢兩個.... 希望阿囡妳會開心同幸福啦!!... 老豆已經同阿ball 講o左如果對妳唔好我會閹o左佢... 嘉嘉都有到場..... 我覺得幾尷尬.... 因為始終都係我同佢話分手, 我覺得自己欠o左佢好多.... ************************************ 之後自己走o左去太古康怡睇戲, 睇幪面超人The Next!! 超好睇.... 恐怖+悲情+有型!!! 一開始好似鬼故咁... 有個人又o係鏡出現, 又殺人, 又飄來飄去.... 我仲以為係Shocker o既怪人tim!! 之後先慢慢知, 完來係主角風見志郎o既妹風見千尋(係而家無線做緊套響鬼入面個"持田瞳"!!大個女o左bor~~!!)... 因為佢o係Shocker 散佈納米機械人o既時候意外地離開o左現場, 令到佢變成不完全o既改造人, 好似怪物一樣... 而病發前俾人陷害後毀容令佢o係醫院自殺... 跳樓自殺不遂而帶住半人半怪物o既身體流落地下水渠.... 而千尋知道唱片公司因為失去自己而用其他人用整容方法去代替自己, 於是就將所有假千尋同自己d fans 殺死... 風見志郎因為妹妹o既手錶停o係3點鐘唔郁, 而想起這是否(以為)已死去o既千尋o既遺願, "阻止Shocker 於明天3點o既納米機械人散佈計劃"... 志郎決定幫助幪面超人1號同2號, 一個"V3反轉3段 kick" 打低以前個秘書電鋸蜥蝪, 而1號同2號都用Double Rider Kick同 Double Rider Punch 打低鐵鋏美洲豹... 最後風見志郎o係餐廳地下o既Shocker 本部重遇千尋, 卻被千尋襲擊... 而另一方面千尋o既分身正想o係背後襲擊佢以前o既好朋友菊間琴美( 14歲媽媽同女皇的教室o個個志田未來呀!), 聽到琴美o既剖白同眼淚有所感動而回復本性, 放棄襲擊琴美... 而千尋真身此時亦開口要求哥哥風見志郎了結自己生命, 志郎為求妹妹得到解脫而痛下殺手, 一個V3 Punch 加上雙逆旋風o既威力, 打低千尋.... 為o左繼承妹妹千尋o既遺志, 代替千尋o既生命o係逆境中發光, 唔做Shocker o既一個空心木偶, 你要努力呀風見志郎!!! | 
